«Айналайын» балалар үйінің тәрбиеленушілерінің жазғы демалысы қызықты әрі пайдалы ұйымдастырылуда. Балалар кеңесі мүшелерінің ұйымдастыруымен «Кім тапқыр?»,   «Табиғаттанушылар», «Артығын тап!» зияткерлік сайыстары, «Күлмесханды күлдіріңдер!», «Хэллуин»,  «Конкурс самых загорелых», «Седьмое чувство» ойындары арқылы балалар топпен жұмыс істеуге, көпшіліктің ортасында өзін көрсетуге қызығушылықтары артып, шығармашылық қабілеттері шыңдалды. 
«Рыцарьский турнир», «Биле, биле!» байқаулары, «Шығармашыл шеберлер» табиғи заттардан бұйымдар жасау байқауы,  «День рыбака», «Көмбе» ойыны қызықты өтіп, күнделікті таза ауада қимылдық ойындар мен би кеші балаларды сергітіп, ой-санасын дамытып, денсаулығын нығайтуда. 
Балалардың сүйікті достары, мейірімді жомарт жандар Амангелді Ғабдікәрімұлы Толамысов, Гүлім Төлеуқызы Чукенаева,  Гүлнұр Алмұханқызы Төлегенова маусым айында туған балалардың туған күнімен құттықтап, мереке иелеріне арнайы сыйлықтар мен барлық балаларға балмұздақтар таратты.