Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында Наурыз мейрамын атап өту және оның маңыздылығын арттыру бойынша арнайы тапсырмалар берген болатын. Наурыз мерекесін тойлау тұжырымдамасының мақсатына сәйкес қазіргі әлемнің жаһандану кезеңінде ұлттық мерекені, оның маңыздылығын балаларға, жастарға, болашақ ұрпаққа кеңінен насихаттау, оның тәрбиелік маңыздылығын арттыру жолында Алматы облысында 2022 жылы «Наурыз» мерекесін атап өту бойынша іс-шаралар жоспарына сай "Қайырымды ұлт" республикалық қайырымдылық акциясы аясында балаларға ұлттық нақыштағы "Наурыз кәде" сыйлықтарын табыстау үшін облыс әкімінің орынбасары - Байжұманов Батыржан Құлаймергенұлы мен облыстық білім басқармасы басшысының міндетін атқарушы - Сүлейменова Жаңыл Магдановна арнайы келіп, балаларға домбыралар, қамшылар, тоғызқұмалақтар, қуыршақтар, әшекей бұйымдар табыстады. Өнерпаз балалар сыйлы қонақтарға ән мен биден шашу шашып, үйімізде өткен бата беру сайысының жеңімпазы - Веснин Эдуард бата берді.