Ұлы Жеңістің 77 жылдығы қарсаңында Талдықорған гарнизоны баспасөз қызметінің ұйымдастыруымен тәрбиеленушілеріміз Федорович Ульяна мен Шерубаев Санат Ұлы Отан соғысының ардагері Шектібаев Төлеубай аталарын және Еңбек ардагері Дүйсенбекова Ұлтай Садыққызын 9 мамыр Ұлы Жеңіс күнімен құттықтап, гүл шоқтарын табыс етіп өздерінің жыр шумақтарын жолдады. Ардагер қариялардың ақ батасын алған балаларымыздың патриоттық сезімдері мен отансүйгіштік қасиеттері артып, үлкенге құрмет көрсетудің ерекшелігін сезініп қайтты. Балаларымызды елжандылық пен қайсарлыққа тәрбиелеп жүрген әскери қызметкерлерге алғыс білдіріп, дендеріне саулық, Отан қорғау жолындағы ерен еңбектеріне толағай табыстар тілейміз!