Балалар жылы аясында Халықаралық балаларды қорғау күні қарсаңында «Балалардың игілігі үшін» республикалық акциясы шеңберінде Зекет және қайырымдылық қорының өкілі Еркін мешітінің имамы Омар Хадысұлының бастамасымен және жомарт жандардың қолдауымен қаламыздағы "Ақниет" мейрамханасында мекеме басшысы Кереев Қайрат Нұрғабылұлының демеушілігімен балаларымызға мерекелік түскі ас ұйымдастырылды. Әр балаға арнайы сыйлықтар табысталып, Қайрат Нұрғабылұлының анасы Райхан апа үйіміздің ең кішкентай бүлдіршіндері Каролина, Виктор, Данил, Адамға және сол күнгі туған күн иесі Мерқали Жансаяға сәнді киімдер сыйлады. Кіші балақандарға аниматорлар қызықты ойындар ұйымдастырып, үлкен балалар би батлмен кеш көрігін қыздырды.