"Үміт" тобының тәрбиешісі Дамира Ғалымқызы қыздарды табиғаттың ажырамас бөлігі - құстар туралы қызықты мәліметтермен таныстырып, қазіргі уақытта құстардың 9800-ден астам түрі бар екенін айтып берді. Құстар туралы қызықты деректермен таныстырды. Әлемде қанаты жоқ жалғыз құс – киви. Құстардың қауырсындары, оның сүйектерінен ауыр. Құстың жүрегі, ұшу кезінде минутына 1000 рет соғады. Ең үлкен құстар – страустар, олардың биіктігі 2 метрден асады. Ал салмағы 150 кг-ға дейін жетеді. Ғаламшардағы құстардың ең таралған түрі – тауық. Император пингвині 9 апта бойы қоректенбей жүре алады. Альбатростың қанатының ұзындығы 3-4 метрге дейін жетеді. Бұл әлем рекорды. Ауыр салмағына қарамастан, әлемдегі ең жылдам жүгіретін құс – страус (70 км/сағ). Суда ең тез жүзитін құстың түрі – пингвин. Оның жылдамдығы 27км/сағ. Ең ұзақ өмір сүрген құс – сібірдің ақ тырнасы. Ол 1988 жылы 82 жасында қайтыс болды. Страустың жұмыртқасын пісіру үшін 2 сағат қажет. Дегелек (аист) – аспанда ұшып келе жатып ұйықтай береді. Құстың дене температурасы, бізден 7-8 градусқа жоғары. Колибри және оның жұмыртқасы, әлемде ең кішкентай болып саналады. Сондай-ақ, ол артпен ұша алатын жалғыз құс. Қаршығаның көру қабілеті, адамнан 8 есе жоғары. Ол тышқанды 1 километрден байқап қалады. Шағала – тұзды суды іше береді. Құстарды зерттейтін ғылымның атауы – орнитология. Сенуге қиын бірақ, құстың ең жақын туысы – динозавр. Барлық құстардың 65%-ы тропикалық ормандарда өмір сүреді. Әлемнің бүкіл жойылған жануар түрлерінің 90%-ы құстар. Үйрек және қаз, -100 градус суық болғанның өзінде өмір сүре алады. Фламинго құсы – бір аяқта тұрып ұйықтайды. Страустар – ұзақ өмір сүреді, шамамен 50 жыл. Пингвиндердің ұша алмайтыны барлығына белгілі, бірақ олар 2 метрге дейін секіруі мүмкін. Жер бетіндегі құстардың 6 түрі – улы болып табылады.