"Хабар" клубының кезекті отырысында Кама Қалымбекқызы балаларды сүйкімді жануар - кірпі туралы қызықты деректермен таныстырды.

Әлемде мерекелердің маңыздысы да, қызықтысы да бар. Сондай мерекелердің бірі - 2 ақпанда аталып өтетін Кірпі күні. 2000 жылдық тарихы бар бұл мереке ежелгі Римнен бастау алады.

Қазақстанда 3 түрі мекендейді: кәдімгі кірпі, құлақты кірпі және қара кірпі. Арқасын, бүйірлерін тікенек (ине) басқан. Тұрқы 13 – 27 см, салмағы 700 – 800 г. Орманда, бұта арасында, бау-бақшада, тіпті елді мекендерде тіршілік етеді. Жемін, әдетте іңірде және түнде аулайды. Жәндіктермен, көлбақамен, жыланмен (улысымен де) қоректеніп, орман шаруашылығына пайда келтіреді. Қараша айында ұйқыға кетеді де, көктемде күн жылынысымен оянады.