4 қазанда Халықаралық жануарлар күнін тойлау шешімі 1931 жылы Флоренцияда өткен қоршаған орта мен табиғатты қорғау Халықаралық конгресінде қабылданды. Неге дәл осы күн таңдалды? Себебі жоқ емес. 4 қазан күні жануарлардың қорғаушысы саналған Франциск Ассизскийді еске алу күні болатын. Күн белгіленгеннен бастап бұл мереке кең ауқымда аталып өте бастады. Көптеген елдерде жануарларды қорғау басты назарда болса, енді бір елдерде олардың саны қараусыз қалғандықтан азаю үстінде. Атаулы күнге орай "Хабар" клубының кезекті отырысында жануарлар әлемі туралы танымдық сабақ өтті. Балалар Қызыл кітапқа енген жануарларды қорғау мәселесін де талқылады.