«Бала жылы» аясында балалардың шығармашылық әлеуетін ашу, қазақстандық қоғамның дәстүрлі мәдени, рухани және адамгершілік құндылықтарына негізделген азаматтық жауапкершілікті қалыптастыруға табыс жағдайын жасау мақсатында ұйымдастырылған жетім балалар мен ата-анасының қамқорлығынсыз қалған балаларға арналған ұйымдардың тәрбиеленушілері арасында «Қазақстан – менің алтын бесігім» республикалық балалар фестиваліне «Айналайын»Балалар үйі» КММ – нен 11 тәрбиеленуші қатысып, балалар үйінің музыка жетекшісі - Алтай Ерғалиұлы Керейбаевтың жетекшілігімен «Жүрек жылуы» вокалистер байқауына 8 – сынып оқушысы Сота Мадина Бақытқызы «Дала дастаны» (Сөзі: Ғ.Шаудырбаева, әні: А.Дүйсенов), және «Отан» (Сөзі: Д.Аяшұлы, әні: С.Ұлықпанұлы) әндерін орындап, жүлделі І орын, «Татулықтың тұғыры – бірліктің бесігі» халық биі байқауында «Айналайын» кіші би тобының 8 бишісі «Веселые ребята» орыс биін және «Өнерпаз балалар» қазақ биін орындап ІІІ орын, «Ризамын халқыма!» театр қойылымдары байқауында «Пана» театрының жас актерлері «Жусан иісі» театр қойылымын ұсынып, Бас жүлде және Шерубаев Санат «Үздік рөл» аталымымен марапатталды.