Космонавтиканың 60 жылдығы мен тұңғыш қазақ ғарышкері Тоқтар Әубәкіровтың алты құрлықты артқа тастап, аспанға ұшқанына 30 жыл толуына орай Веснина Ирина кітапханадан Тоқтар Әубәкіров туралы жинаған қызықты мәліметтерін сіздерге ұсынады:

– Тоқтар Әубәкіров қаз дауысты Қазыбек бидің тікелей ұрпағы.

– Халық қаһарманы Тоқтар Оңғарбайұлы тышқаннан қорқады екен.

– Ғарыш кемесінен бөлек велосипедпен жүргенді ұнатады.

– Марста өмір сүруге қарсы емес.

– Өзге ғаламшарлықтардың бар екеніне сенеді.

– Тоқтар Әубәкіров әлемнің екі жүз елу алтыншы, КСРО-ның жетпіс екінші, Қазақстанның бірінші ғарышкері.

– Қазақтың үшінші ғарышкері Айдын Айымбетов пен Тоқтар Әубәкіров бір күнде дүниеге келген. Екеуі де жеке мейрамын 27-шілде күні тойлады.

– Тоқтар Әубәкіров ғарышқа екінші рет ұшуды армандайды.

– "Әемдегі ең қауіпті жануар – адам" деген оймен толықтай келіседі.

Тоқтар Әубәкіров 1991 жылы 2 қазан күні Байқоңырдан "СОЮЗ ТМ-13" кемесімен ғарышқа ұшты. Ол ғарышта 8 күн болып, Арал аймағы бойынша ғылыми-зерттеу жүргізді.