Үйімізде қазақ, орыс, неміс, татар, корей, поляк ұлтының балалары татулығы жарасып, бауырмалдық пен мейірімділікте өсіп келеді. Біз өзімізді кіші ассамблея деп те атаймыз. Сондықтан, Қазақстан халқының бірлігі күні біз үшін ерекше мереке. Бүгін осы атаулы күнге арналған мерекелік концерт ұйымдастырылып, балалар "Бірлігіміз жарасқан", "Бір үйдің баласындай", "Қазақстан", "Отан" әндерін, корей, орыс, өзбек билерін, "Достық" сюжеттік биін орындады. Іс - шара соңынан "Татулығы жарасқан" айдарымен өткен сурет байқауына белсене қатысқан балалар марапатталды.