Халықаралық ескерткіштер мен тарихи орындар күні 1984 жылдан бастап жыл сайын 18 сәуір күні атап өтіледі. Мерекені 1983 жылы ЮНЕСКО жанындағы Ескерткіштер мен көрнекті орындарды қорғау мәселелері жөніндегі Халықаралық кеңес Ассамблеясы белгілеген. Бас­ты мақсаты – тарихи ескерткіштерді сақтау және мәдени мұраны қорғау мәселелеріне қоғамның назарын аудару. Атаулы күнге орай кітапханашы Кама Қалымбекқызы "Хабар" клубының белсенділерімен қазақтың біртуар ұлы перзенті, аса көрнекті мемлекет және қоғам қайраткері, үш мәрте Социалистік Еңбек Ері, Қазақ КСР Ғылым академиясының академигі, техника ғылымының докторы, ССРО, шетел ордендері мен медальдарының иегері - Дінмұхамед Ахметұлы Қонаевтың ескерткішіне барып, өз заманының ұлы саясаткері болған қазақ елінің зор тұлғасына тағзым етіп қайтты.